زندگی

زندگی

عشق کی رازداں بحرِ بیکراں ہے   زندگی
رشکِ  جناں   شمعِ  شبستاں   ہے زندگی

آتشِ    اللہ   سے تو  سرد  لہو  کو  گرما
کہ دلِ سوزاں میں ترے پنہاں ہے زندگی

یہ    ما ہی ِ  بے  آب   ہے  تری    شراب ِ   حیات
اک سیلِ رواں اور کبھی ہنگامئہ طوفان ہے زندگی

تیرا  عشق  ہے  تیری  اجل  کی قضا
اور تیرے عشق کا امتحان ہے زندگی

نہ مہرباں  تو ان پہ فقط  جو ہیں  تَقنَطَو
بندہ کوشاں پہ اگرچہ مہرباں ہے زندگی

نوائے  فطرت  کو   بھی  سن   لے  مرے   ہمدم
تقلیدِ شیطان ہے موت تہذیبِ قرآں ہے زندگی

آدم ہے اگر تو    تو  کچھ  انسانیت  بھی کر پیدا
کہ   نورالایماں  سے  تیرے ضوافشاں ہے  زندگی